- Тоа ги има сите индиции на државен удар, тоа е многу сериозна работа. Ние покажуваме трпение, но би сакал нашите партнери да не мислат дека се е дозволено, изјави Азаров на средбата со амбасадорите на ЕУ, на Канада и на САД.
Азаров посочи дека во Украина се блокираат зградите на државните институции, дека државните службеници не можат да одат на работа, не можат да ги исполнуваат основните функции и оти тоа ќе влијае врз исплатата на плати и пензии.
Тој претходно посочи дека украинската Влада бара од опозицијата да ги деблокира зградите на државните установи за да се обнови нормалното одвивање на работата.
Поради ситуацијата Азаров побара од странските амбасадори да ја повикаат украинската опозиција мирно да протестира без да употребуваат сила.
