|
|
Душко Наневски-од книгата “Интегрална поетика“ (извадок) 8 септември 2012
|
| 2013-09-12, 4:38 AM |
"Како да се изгубени древните исконски облици, автохтоната девственост, едноставноста која денес длабоко му пречи на заитаниот цивилизиран интелектуалец. Логосниот, вечен, духовен зрак е длабоко засенет со наметнатото туѓо. Заборавена е смислата, пораката, прасознавањето, прастарата мудрост секогаш изречена во неколку зборови, и на докрај, дарбата на творецот. Надумното отклучување и свртување кон изворот, континуитетот исполнет со животворност, дарувана од Животодавецот. Значи, не духовно самоубиство, а без предрасуди разоткривање на нешто што извира од длабочината на срцето, извори на чувства што бликаат, необично чисти, полни ведрина и секогаш внатре во нас. Можеби неискажливо со збор, но толку убаво, емотивно-логично... Самиот крст е голем, можеби космички симбол: познат од порано како принцип, знак за четирите страни на светот, графија на човековата силуета, се до вкрстувањето во чинот на зачетието... Неговото носење на грб кон Голгота, го изразува болот, со кој секој човек мисли дека го носи на својот грб крстот на сиот свет. А параболите за ругањето на Исус, трновиот венец, бодењето со копје во ребрата, или гасењето на жедта со сол и оцет, не се само знаци на садизмот. Како и да се изразува судбинска вистина: првин е ’трновиот венец’, потем доаѓа ореолот..."
Душко Наневски-од книгата "Интегрална поетика"
|
|
Category: My files | Added by: Вељанко
|
| Views: 311 | Downloads: 0
| Rating: 0.0/0 |
|
|