ВРВОИ – Анте Поповски

Во голема возбуда тој се обѕрнуваше зад себе

да провери до каде се другите што го следеа

а потоа одново продолжуваше да лази

чипчејќи се со раскрвавените прсти за карпата,

за коренчињата, за стебленцата....

А кога се искачија на врвот

тој им рече да погледаат долу, во провалијата,

и дури тогај тие забележаа

дека на тоа место месечината и ѕвездите

им се поблиску отколку земјата.

-Нашето беше до тука, им рече тој,

оттука нагоре

само душата може да се искачи!

   Извор: "МКД"