На 40 дена по Пасха (Велигден) православните христијани го слават Вознесението Господово. Оваа година овој ден се паѓа на 9 јуни.ШТО ТРЕБА ДА СЕ ЗНАЕ ЗА ПРАЗНИКОТ ВОЗНЕСЕНИЕ ГОСПОДОВОПомирување на Бога со светотСобитието Вознесение подробно се опишува во Евангелието. Според Светото Писмо, 40-те дена од Велигден до Вознесение, Исус Христос ги поминал на земјата, јавувајќи се во разно време и на разни места на своите ученици. На четириесетиот ден по Воскресението Спасителот ги однел учениците на гората Елеон, и, подигнувајќи ги Своите раце, ги благословил, а потоа започнал да се оддалечува од нив и да се вознесува на небото, сокриен од облак. И тогаш се јавиле двајца мажи во бела облека, кои возвестиле за Неговото второ доаѓање. Учениците се поклониле на Христа и, исполнети со радост и благоговение, се вратиле во Ерусалим, каде по неколку дена на нив слегол Светиот Дух. Според мислењето на отците на црквата, ова собитие е сведоштво за извршеното искупување, помирување на Бога со светот и Негов благослов на црквата.