ТУРЦИЈА – НОВИОТ ПОРАЗ НА НОВИОТ СВЕТСКИ ПОРЕДОК

Обидот за воен удар во Турција воопшто не беше мал, како што на прв поглед изгледаше. Толку убиени и ранети за неколку часа (околу 300), покажува дека се работеше за сериозна и интензивна пресметка, која Ердоган успеа да ја добие, со целосна заднинска поддршка на Владимир Путин, тоа е сега веќе јасно. Дури, и дел од тимот за обезбедување на Ердоган во кобната ноќ, според наши извори бил руски, откако Ердоган претходно бил известен од Русите за тоа што ќе се случи.

Без да невлагуваме во многу детаљи за тоа и за самиот воен удар, кои ги има се повеќе, нас пред се не занимаат геополитичките импликации од оваа најнова турска драма. А тие се огромни и, во некоја рака дури пресудни за исходот на постојната позициона геополитичка војна меѓу атлантистичкиот Запад и силите на новиот мултилатерелен поредок на тлото на Евроазија, предводени од Русија.

Всушност, во рок од неколку часа, се случи тектонска, историска промена на односот на силите во Евроазија и во светот. Турција, силната и стратегиски исклучително важна држава, повеќе нема да биде прозападна, а релативно скоро ќе излезе и од НАТО – тоа е јасно како бел ден. А тоа ќе биде пресудно за натамошниот развој на ситуацијата на Блискиот Исток. 

Турскиот обид за воен удар беше со проамериканска заднина, непосредно откако Путин и Ердоган се помирија и зацртаа некои заеднички планови. Веднаш потоа се случи експлозијата на аеродромот Кемал Ататурк во Турција во кој загинаа многу луѓе, но тоа не го предомисли Ердоган да го гради ново стратегиско партнерство.

Како резултат, атлантистичките сили набрзина го активираа планот за симнување од власт на Ердоган со воен удар, план кој чекаше само да биде активиран, одамна зацртан. Но Русите го спасија Ердоган, стекнаа целосна доверба со исклучителната логистичка поддршка за време на ударот, и со тоа ја зацврстија својата позиција. Обемот на чистките кои сега Ердоган ги спроведува укажува дека тој ги апси не само оние што директно и индиректно учествувале во него, туку и оние што знаеле дека ќе се случи тоа, а молчеле. А знаеле многу луѓе и беше само прашање на време кога ќе се случи.

Всушност, Ердоган сега ги отстранува од позиции сите атлантистички импланти, структури, агенти од влијание и слично, еднаш засекогаш расчистувајќи со негативното влијание на Западот во неговата земја. Притоа, не се изгледни прогнозите дека тој ќе гради исламистичка држава, бидејќи тоа не е прифатливо за никого, најмалку за турскиот народ, па ни за самиот Ердоган.

Сето ова само ја потврдува нашата главна теза: Турција заврши со атлантизмот, ќе сврти нова страница во историјата со стратегиска пријателска соработка со Русија, со тоа нанесувајќи им непоправлив пораз на силите на Новиот светски поредок предводени од Америка, кои претходно беа дополнително шашардисани од британското излегување од ЕУ, Брегзит, со што полека ќе ја губат и контролата врз Европа, бидејќи Британија им служеше да ја контролираат ЕУ.

Иако е можен некој дополнителен обид за комплицирање на ситуацијата во Турција, на пример контраудар на прозападните сили во вид на обид за разгорување граѓанска воја, јасно е дека во тоа тешко ќе успеат, со оглед на новонастанатата ситуација во земјата. Новиот светски поредок изгуби во Турција. Западот, униполарниот поредок слабее, мултиполарните силе јакнат.

Сега, на ред е разврската во Украина.

Извор: “Зад Политиката“