Токму поради дијаметрално спротивставените ставови, во Православието се уште нема решенија за прашања како она за автокефалноста, момент од кој најдиректно е засегната и Македонската православна црква. Вселенската Патријаршија смета дека томост за автокефалност треба таа да го издава, додека пак, Руската Православна Црква инсистира дека потпис на тој документ треба да стават сите помесни православни цркви. Црковните делегации пред 3 години во Шамбези не успеаја да најдат заедничко решение и ова прашање остана отворено.
Инаку во Ниш, кој ќе биде центар на православието оваа недела нема да има претставници на Македонската Православна Црква. Црковен Белград не испратил покана до Архиепископијата во Скопје. Ова е прв пат Српската Православна Црква до тој степен да ја игнорира МПЦ. Иако не на официјално ниво, сепак досега делегации од МПЦ присуствиваа на значајни настани. Последне пат, тричлена делегација предводена од Архиепископот, г.г Стефан присуствуваше на погребот на поранешниот Српски Патријарх, г.г. Павле.
Во Ниш сепак ќе допатуваат и Ерусалимскиот Партијарх Теофил, Кипарскиот Архиепископ Хризостом, Грчкиот Архиепископ Јероним, Албанскиот Архиепископ Атанасиј, Полскиот Архиепископ Сава, ќе има претставници на пониско ниво на друг православни Цркви. Сосема сигурно е дека во Ниш нема да допатува Романскиот Патријарх Данаил, поради влошение односи на Српската и Романската Православна црква.
Инаку, централениот настан во празничната програма ќе биде на 6 октомври, кога Цариградскиот патријарх Вартоломеј ќе отслужи литургија во новиот храм “Св Константин и Елена “во Ниш, на која ќе присуствуваат членовите на српската влада, како и претставници од соседните земји и амбасадори.
На 7 октомври во Подгорица ќе биде отворен и осветен новиот храм “Воскресение Христово” во присуство на поглаварите на православните цркви.
Учество во прославата ќе земат и претставници на сите христијански цркви. Во српското општество долго време се водеше дебата, дали за прославата да биде поканет и Римскиот папа, но на крајот Римокатоличката црква ќе биде претставена од висока делегација. Една од причините за оваа одлука беше неподготвеноста на Москва долгоочекуваната средба помеѓу Московскиот патријарх и Римскиот папа да се оствари “на туѓа територија” и на странска иницијатива.
Извор: “Денешен Весник“
