KОНЦЕРТ СО ВИРТУОЗОТ АЛЕКСАНДАР ГИНДИН
Еден од најголемите руски виртуози на пијано Александар Гиндин вечерва во 20 часот ќе одржи концерт во Македонската опера и балет. Kритиката и љубителите на музичката уметност едногласно го прогласуваат Гиндин за еден од најталентираните и најуникатни пијанисти на денешницата.
Неговите концерти честопати вклучуваат ретко изведувани дела, а така ќе биде и на вечерашниот концерт, на чијашто програма се делата од Вивалди, Бах, Рахмањинов, Шуберт, Лист и од Брамс. Гиндин досега двапати настапи на Охридско лето. Тој е еден од највпечатливите и најценетите руски пијанисти на денешницата и ја носи титулата „Заслужен уметник на Русија". Освен концертот, Гиндин ќе одржи и семинар со студентите по пијано на Факултетот за музичка уметност - Скопје.
Извор: "Дневник"
|