Најуверливиот доказ: руска амбасада си тера мајтап со НАТО со тенкови-играчки (ФОТО)

Руски дипломати се вклучиле во дигиталната дипломатска пресметка со исмевање на НАТО преку „објавување“ на „најуверливите докази“ за присуство на руски војници во Украина, пренесува Раша тудеј.

Руската амбасада во Обединетите Арапски Емирати на својот официјален профил на Твитер постирала фотографија од играчки камиони, тенкови и оклопни возила наредени „на терен“, со пораката: Го објавуваме најновиот доказ на НАТО за руски оклопни возила влезени во Украина! Ова е најверојатно најуверливиот доказ досега!

На корисниците на социјалната мрежа Твитер им се допаднала „инвазијата на играчките“, која очигледно е потсмешлив одговор на сателитските фотографии што НАТО ги објави како „доказ“ за руското воено вмешување во Украина.

Дигиталната „војна“ со мапи и фотографии на Твитер почна меѓу Канада и Русија на 27 август, кога канадските претставници во НАТО постираа мапа на која беа прикажани двете соседни држави, едната означена како „Русија“, а другата, Украина, беше означена „Не е Русија“.

Нивните руски колеги во НАТО одговорија со своја мапа, на која Крим е јасно означен како дел од Русија.

Извор: “МКД“