Во Прилеп концерт на Валаамскиот хор и изложба на руски уметници 

Во Центарот за култура „Марко Цепенков“ во Прилеп во четврток ќе се одржат две културни збиднувања на уметници од Русија. Планирани се концерт на познатиот хор на Валаамскиот манастир, кој ќе исполни староруски црковни песнопоенија, но и најпопуларни руски романси и песни, како и изложба на дела на руски уметници.

Во 19.30 часот во големата сала на Центарот за култура ќе почне концертот, кој се организира во соработка со Амбасадата на Руската федерација во Македонија и Министерството за култура на Р.Македонија, а спонзориран од фирмата „Микросам“.

Половина час претходно во Ликовниот салон на „Марко Цепенков“ ќе биде отворена изложбата на руски уметници кои во изминативе три години учествувале на ликовната колонија „Дрен“. Публиката ќе види дела на Светлана Солодовникова, Олга Петракеева, Светлана Вахнина, Александар Белугин, Корнелија Марган, Малка Малкова, Евгениј Северухин, Наталија Рахлина и Олга Петракеева.

Извор: “Плусинфо“