|
МАКЕДОНИЈА НА „БЕРЗА ЗА ТУРИЗАМ“ ВО ИТАЛИЈА
Македонија првпат се претстави на овој меѓународен археолошки настан, презентирајќи публикации и видеоматеријали за Стоби, Хераклеја, Кокино, Скупи, Билазора и многу други археолошки наоѓалишта, градови и цркви.
- Нашата земја беше вистинско изненадување за многу од присутните. Интерес предизвикаа античките градови, мегалитската опсерваторија Кокино, како и убавите цркви од визaнтиско време. Речиси немаше посетител што остана рамнодушен пред ранохристијанските мозаици од Хераклеја, Лихнид и Стоби, а многу од нив беа заинтересирани за туристичките понуди и планираа посета на земјата. Во рамките на археолошкиот саем имаше и дегустација на македонски вина и традиционална храна, што дополнително придонесе за посетеноста на домашниот штанд. Саемот беше посетен од илјадници луѓе и беше проследен од новинари од целиот свет - информираат од Управата за заштита на културното наследство.
Покрај Македонија, оваа година учествуваа повеќе од дваесет земји од целиот свет, меѓу кои Србија, Бугарија, Хрватска, Албанија, Словенија, Аргентина, Малта, Португалија, Венецуела, Романија. Земја во фокусот беше Азербејџан.
Извор: “Нова Македонија“
|