Македонското културно наследство во Азербејџан

“Денови на македонското културно наследство“ ќе се одржат од недела до 11-ти месецов во Баку, главниот град на Азербејџан, и во градот-културна ризница Агсу

Централно место на манифестацијата ќе има настапот на културно-уметничкото друштво „Дримкол“ од Вевчани, кои ќе настапат со целовечерна програма со која ќе се презентираат традиционални песни и ора, носии и обичаи на Македонија.

Во рамките на оваа манифестација Рубин Земон, претседател на научниот совет на Институтот за социокултурна антропологија на Македонија, ќе одржи предавање за богатото мултикултурно наследство на Македонија, проследено со прикажување неколку документарни етнолошки филма.

Ќе биде поставена и изложба на современи фотографии од културно наследство на Македонија, подготвени во соработка со центарот за научни истражувања и промоција на културата „Хаемус“ од Скопје, предводена од Василка Димитровска.

Извор: “Нова Македонија“