ПРЕПОЛНА САЛА ЗА БРАЌАТА ТАВИТЈАН ВО СОФИЈА

„Немаме зборови со кои би го опишале задоволството од концертот во најреномираната сала во Бугарија заедно со оркестарот на АГБУ и маестро Папазијан... Преполна сала, фантастичен оркестар, организација на врвно ниво, едноставно, еден од најубавите концерти во животот“, се дел од впечатоците на браќата Тавитјан, кои викендов настапија во најголемата филхармониска сала „Бугарија“ во Софија, Бугарија. Тие на целовечерен концерт го свиреа материјалот од својот последен албум „Тавитјан плеј класикс“ заедно со камерниот оркестар на АГБУ - Софија, под диригентската палка на маестро Бедрос Папазијан.

„Голема благодарност до Соња Авакиан за организацијата и поканата, до маестро Бедрос Папазиан, фантастичниот оркестар на АГБУ, г-дин Јавор Димитров и сала „Бугарија“, на публиката која дојде во огромен број и не' испочитува со бурни аплаузи. Благодарност до Владо Чифлиганов за преубавото гостување, посебно до маестро Теодоси Спасов за присуството на концертот. Голем респект за Бугарија, се гледаме пак!“, велат браќата Тавитјан. (К.Ш.)

Извор: “Утрински Весник“