ЕУ ѝ објави војна на ракијата

Жителите на земјите од ЕУ не можат повеќе да прават ракија колку сакаат – тие мораат претходно да платат посебен паушален износ, додека за сопствени потреби им е дозволено да произведат најмногу 50 литри.

Така сега секој ракиџија во Хрватска, на пример, кој нема да се регистрира и нема да плати паушален износ од 100 куни (14 евра) по казан, ризикува казна до десет илјади куни.

На секој литар испечена ракија преку дозволеното количество се плаќа трошарина од 21,20 куни.

Сите што печат ракија ќе мора да им докажат на царинските инспектори, ако им „тропнат на врата“, колку навистина произвеле ракија. Цариниците во ЕУ имаат широки овластувања за прегледување на конобите и домаќинствата за да утврдат за колкави количества ракија станува збор, пишуваат хрватските медиуми.

Новите правила на ЕУ се толку ригорозни што дури и малите произведувачи на алкохолни пајалаци се должни да им поднесуваат годишни извештаи на цариниците!

Рокот за доставување годишен извештај за вкупното количество вино и ракија истекува на 20 јануари следната година, а крајниот рок за уплата на трошарината е 31 јануари.

За полесни проверки во помалите места ќе биде организиран само еден казан во кој сите ќе печат ракија, за да се избегнат измами, тврдат произведувачите.

Извор: “МКД“