Промоција на книга раскази од Атанас Чупоски

Промоција на книгата раскази „Старинарница Балкан“ од Атанас Чупоски, во издание на „Магор“, ќе биде одржана вечерва, во 19.30 часот, во клуб-ресторанот МКЦ

- Низ една вешта интертекстуална игра, преку слоевит дијалог со многубројни историски, книжевни, теориски, теолошки, научни, фолклористички и публицистички извори, Атанас Чупоски нуди свои верзии на историските собитија, во кои се преплетуваат фактите и фикцијата во неразделно единство - пишува Владимир Мартиновски во поговорот на книгата. 
За „Старинарница Балкан“ ќе зборуваат писателите Владимир Мартиновски, Васко Марковски и Влатко Галевски, а во музичкиот дел ќе настапат авторот Атанас Чупоски (на кавал) и промоторите Владимир Мартиновски (на тамбура) и Васко Марковски (на мандола).

Извор: “Нова Македонија“