|
Во тек е акција за згрижување на бездомниците во Скопје. Тимовите на Црвениот крст на Град Скопје патролираат низ Скопје од 19 до 22 часот за да пронајде бездомници и да им понуди 24 часовно згрижување на бездомниците во Прифатилиштето за бездомници во Момин Поток.
Бездомниците ќе добијат топол кревет, бања, облека, храна и пијалаци. Во прифатилиштето ќе биде обезбедена и поддршка од лекар, психолог и социјален работник.
Патролните тимови ќе делат и ќебиња, вреќи за спиење и топол чај, наменети за сите оние што нема да сакаат да се сместат во прифатилиштето.
Во акцијата за згрижување на бездомниците можат да се вклучат и сите граѓани на Скопје со донирање облека, храна, средства за хигиена и ќебиња
Граѓаните можат да ги пријават и локациите каде ќе сретнат бездомник на следниве телефонски броеви: 3096-227; 071-261-787; 070-250-054; 070-317-882
Извор: “mkd-news“
|