МНР на Русија за акцијата Пуч: Недозволиви се противуставни државни удари

Очекуваме дека овој настан ќе биде предмет на  темелна истрага во интерес на стабилноста и на безбедноста во Македонија, соопшти Министерството за надворешни работи на Русија по вчерашното објавување на акцијата Пуч на македонската полиција.

„На 31 јануари органите за ред и мир на Македонија информираа за спречување на обид за државен удар. Според државното раководство на таа земја, во организирањето на неуспешниот пуч биле непосредно вовлечени лидерот на најголемата опозициска партија, Социјалдемократскиот сојуз на Македонија, а исто така и странски разузнавачки служби.

Ги повикуваме сите политички сили во земјата да дејствуваат во рамките на уставните демократски институти, а постоечките проблеми да ги решаваат по пат на дијалог. Било какво разнишување на состојбите во пријателската Македонија носи ризик за опасно заострување на меѓуетничките тензии во земјата. Повторно се потврдува актуелноста на рускиот предлог за усвојување, во рамките на ОБСЕ, на документ за недозволивост на противуставни државни удари“, соопшти МНР на Русија.

Руската Федерација, барем кога станува збор за Македонија, многу ретко дава вакви официјални соопштенија врзани за внатрешните проблеми на земјата.

Извор: “МКД“