Народни ткаеници за повивање и покривање бебиња ќе бидат презентирани во Музејот на Македонија

Во Музејот на Македонија на 12 февруари 2015 година, во 19 часот, ќе биде отворена изложбата „Најмило мое... дете, бебе, руљче, џагуре". На изложбата ќе бидат презентирани народни ткаеници за повивање и покривање на бебиња, потоа лулки, амајлии и други предмети користени во секојдневниот живот на детето.

Преку оригинални предмети, амбиент и фотографии, изложбата презентира сведоштва за традиционалниот начин на живот кој е веќе по малку заборавен, а за помладите генерации и сосема непознат. Изложените предмети потекнуваат од првата половина и средината на 20. век.

Автор на концепцијата за изложбата е Фима Трајковска, кустос-советник во Етнолошкиот оддел при Музејот на Македонија.

Извор: “МКД“