Најџел Фараџ: Сакате со ЕУ војска да ја уплашите Русија? Кого вие залажувате, господине Јункер!? (ВИДЕО)

Лидерот на Британската партија на независноста и пратеник во Европскиот парламент, Најџел Фараџ, го прашал Жан Клод Јункер дали навистина верува дека војската на Европската Унија може да ѝ се спротивстави на Русија и го прашал „кого се обидува да залаже“, пренесуваат британските медиуми.

Евроскептикот Фараџ кажал и дека приказната за ЕУ војска е една голема илузија, како и дека сите тие системи веќе постојат, пренесува Раша тудеј.

„Ја имаме агенцијата на ЕУ за одбрана, борбени групи на ЕУ во активна служба низ светот, ЕУ морнарица која се бори против сомалиските пирати“, објаснил Фараџ и саркастично додал дека дури сега му е јасно зошто британскиот премиер Дејвид Камерон признава дека Британија не може да ги одбрани ни сопствените острови, односно дека тоа затоа што следува формирање на војска на ЕУ.

„Тони Блер беше во право. ЕУ не е проект на мирот, туку проект на моќта“, додал Фараџ.

„Господинот Јункер тука ја гледа шансата. Ние со својата експанзија и желбата за зголемување на бројот на членки го испровоциравме конфликтот во Украина, со стап ја чепкавме руската мечка, а сето тоа е одлична прилика да се реализира идејата за формирање ЕУ војска“, кажал Фараџ.

„Јункер вели дека мораме да ја убедиме Русија дека сме сериозни. Кого вие залажувате, господине Јункер!?“, прашал Фараџ предизвикувајќи ошта смеа во парламентот. Тој го завршил својот говор со констатација дека тој не сака ниту еден дел од Европа да се милитаризира, и дека е убеден дека истото го мислат сите граѓани на Европа.

Да потсетиме, пред неколку дена Жан Клод Јункер, претседателот на Европската комисија, ги повика членките на ЕУ да се формира европска војска за да се зголеми безбедноста на Унијата, но и како одговор на Русија на растечките тензии во Украина.

https://youtu.be/NiUtdZyL_Mk

Извор: “МКД“