На денешен ден: Прличев доби „Ловоров венец“ за поемата „Сердарот”

На денешен ден 1860 година на традиционалниот конкурс за поема, што се одржа во Атина, македонскиот писател Григор Прличев доби „Ловоров венец“ за поемата „Сердарот”...

„Сердарот“ е најпознатото дело на македонскиот поет и преродбеник Григор Прличев. Делото е напишано во 1860 година, а на 25 март истата година тоа учествува во натпреварот за најдобра поема на грчки јазик што секоја година се одржувал во Атина, и ја добива наградата „Ловоров венец“, како и парична награда.

Поради силниот впечаток што ја оставила оваа поема, Прличев бил наречен „Втор Хомер“. Наградата не останува долго во негови раце, затоа што одбива да се изјасни како Грк, и да ја прифати стипендијата за студии во Берлин или Оксфорд.

Поемата е оригинално напишана на грчки јазик, под насловот „О Арматалос“, но при крајот на животот Прличев ќе направи обид да ја преведе на македонски јазик.

Извор: “Cooltura“