Необично е тоа што водата е со одредена температура, односно за разлика од повеќето планински извори кои најчесто се студени, оваа вода е млака и исклучително бистра.
Овој своевиден феномен го привлече вниманието на жителите на Стар Дојран, каде што е и изворот на реката, кои велат дека одамна не забележале ваква појава. Посебно постарите жители се потсетуваат на времето кога реката секнала поради бушење на подземни бунари за снабдување на Стар Дојран со питка вода.
- Некаде во 80-тите години се бараше вода за пиење за Стар Дојран и тогашните експерти кажаа дека треба да се направат бушотини некаде под нивото на Дојранското езеро, каде што можеби ќе се најде и друго езеро. Тогаш се направија резервоари за питка вода, но Деребашката река сосема секна. Сега, после 35 години сведоци сме на своевиден феномен, водата е надојдена во голема количина и дури самата формира водопад - вели Илија Кочаров, жител на Стар Дојран.
Жителите велат дека поради живописната природа на овој крај, падините и погледот кон Дојранското езеро, токму оваа месност со Деребашкиот водопад би требало да се уреди и да им се презентира на сите посетители како уште една од природните убавини на Дојран.
Автор:Р.Ш.Фотографија:Р.Ш.