Партиите против НАТО и ЕУ победија на парламентарните избори во Финска

Премиерот на Финска ја призна победата на опозициската Партија на центарот на денешните општи избори.

По најголем дел изброени ливчиња, Центарот има поддршка од 21 процент, што значи дека ќе има 44 места во парламентот.

Тоа значи дека ќе му требаат сојузници за да формира влада, а нив ќе ги бара во националистичката Партија на Финците, која е на второ место, потоа Националната коалициска партија (НЦП), Социјалдемократската партија и Зелените.

Од сите нив, единствено НЦП се залага за поблиски врски со НАТО и ЕУ, додека сите други се противат на тоа и се залагаат за поголема независност на Финска.

Најголем дел граѓани на оваа земја ја отфрлаат секоја идеја за членство во НАТО, дури и покрај сегашните тензии на линијата Запад-Русија.

Оваа држава на североистокот на Европа има граница со Русија долга 1.300 километри и за време на целата Студена војна беше суверена западна земја, која имаше тесни економски врски со својот голем сосед.

Извор: “МКД“