Вооружена група од Косово ја нападнала полициската станица во Гошинце

Терористички напад врз полициската станица во Гошинце, општина Липоково, се случил ноќеска во 2 часот и 30 минути, потврди Министерството за внатрешни работи. 

Како што појасни портпаролот на МВР Иво Котевски, вооружена група од Косово ја нападнала станицата, каде што биле четворица полициски службеници на дежурство, ги разоружале и им се обратиле на албански јазик со преведувач со зборовите дека сакаат нивна држава и оти не сакаат никави Охридски договори. 
 
Напаѓачите им дале половина час на полицајците да си заминат од караулата.
 
Во тек се активности на терен од страна на македонската полиција.