Дванаесет повредени полицајци во престрелка во Куманово
Во 4.30 раноутринава во Куманово започна голема вооружена престрелка. Според се уште неофицијални информации во кумановската населба “Диво насеље” полициските сили се судриле со група од околу 70 вооружени лица. Неофицијално во престрелката има 12 ранети полицајци, пренесе Нова ТВ.
Од утрово на граѓаните не им се дозволува да ги напуштаат своите домови и да се движат во центарот на градот во чија близина е и оваа населба.
Граѓаните на Куманово ни јавуваат дека слушале престрелки и хеликоптери кои кружат над градот. Во мометов пукотниците се стишани, а улиците во градот блокирани од специјалните сили на полицијата. Што точно се случува засега се уште нема официјални информации од МВР.
Вчера, се појави информација дека се очекува пукање во Куманово, дека е уфрлена група од петнаесетина униформирани лица, која планира напади на полициски станици и на други државни институции.
Извор: “24 часа“
|