Српските медиуми пишуваат за нов вооружен конфликт во Липково

Во наредните денови во кумановското село Липково би можело да дојде до жесток судри меѓу вооружена група со македонските полициските сили, пишуваат српските медиуми.

Како што пишува српскиот весник Ало повикувајќи се на „доброинформирани извори“, на ова подрачје било забележително раздвижување на македонските единици и прашање е само кога би можело да дојде до вооружен конфликт како оној во Куманово. Засега не се знае дали овие информации се во врска со вестите во македонските медиуми од средата дека во пограничната област Јажинце, за што изостанаа официјални потврди.

„Група вооружени екстремисти, главно ветерани на УЧК, блиски на поранешниот воен командант, а сега лидер на Алијансата за иднина на Косово, Рамуш Харадинај, пред дваесетина дена дошла од Косово на ова подрачје и формирале воен камп. Со оглед на тоа што Македонците имаат силни безбедносни формации на ова подрачје, конфликтот е многу веројатен, но овој пат би бил уште поопасен, бидејќи Липково е оддалечено од Прешево само 20 километри“, пишува весникот.

Местото е избрано бидејќи се наоѓа на тримеѓето меѓу Македонија, Србија и Косово, а од околу 99.000 жители, 99 отсто се Албанци, 150 Македонци и 350 Срби.

Групата од неколку десетици екстремисти во Македонија стигнала директно од косовскиот град Гњилане, а како центар на нивното собирање е хотел во тој град, откриваат изворите за весникот кои биле блиски со безбедносните органи.

Дека терористите планираат да извршат неколку напади во Прешевската долина и на северот на Косово, неодамна потврди и генералот Момир Стојановиќ, поранешиот прв човек на Воената безбедносна агенција на Србија и актуелен претседател на Одборот за контрола на службата за безбедност.

Извор: “Макфакс“