ги промовира ЛГБТ вредностите
19 април 2016 лето Господово
Заменик-претседателот на Комитетот за Уставно законодавство и уредување на државата при Руската Федерација, Елена Мизулина, смета дека Стратегијата за обезбедување на правата на децата за периодот од 2016 до 2021 година, што беше усвоена од страна на Советот на Европа, им нанесува удар на традиционалните семејни вредности.
„Општиот дух и идеологија на споменатава Стратегија е насочен кон игнорирање на традиционалните темели на христијанската семејна култура, меѓу другото и традиционалните вредности на семејството: Термините ’традиционално семејство‘, ’традиционални семејни вредности‘, воопшто не се спомнуваат во текстот на Стратегијата“, ја пренесе изјавата на сенаторката нејзината прес служба.
Според зборовите на Мизулина, овој документ исто така го утврдува принципот на еднаквост на правата на децата, не само според нивниот пол, туку и според нивната сексуална ориентација и содржи одредби наменети за промовирање на идеите на ЛГБТ.
„Стратегијата, во сета своја очигледност, сведочи за крајната доследност на Советот на Европа во промовирањето на ЛГБТ вредностите, и намалувањето на значењето и улогата на традиционалното семејство во животот на општеството, за прекумерното преувеличување на проблемот на домашното насилство, како и за неоправданата недоверба кон семејствата и родителите и нивната способност самостојно да ги решат семејните проблеми“, изјави Мизулина.
|