(ВИДЕО) Шарените со ироничен скок врз програмата на ВМРО-ДПМНЕ

https://youtu.be/vDp68Q0zNj8

Демонстрантите на Шарената револуција кои во моментов се пред Владата на Република Македонија скокаат врз листови од програмата на ВМРО-ДПМНЕ и извикуваат „Оваа Влада не чини“, алудирајќи на изјавата на претседателот на владејачката партија Никола Груевски кој во интервју посочи дека невладините организации делувале секташки, а имало примери кога тие скокале врз отчетот на партијата извикувајќи „Оваа Влада не чини“.

„Шарентите“ на улицата пред Влада ја напишаа познатаа порака од великанот на македонското новинарство Никола Младенов.

Колку чини слободата. Ние сакаме општество на слободни луѓе. Тие сакаат збирштина од безрбетници и тука нема компромис, испишаа демонстрантите пред Влада.

Во моментов колоната се движи кон Собрание.

https://youtu.be/_Q-wX6cLZHI

Демонстрантите на Шарената револуција се на улица константно секој ден повеќе од еден месец, откако претседателот Иванов донесе одлука за колективна аболиција.

Тие бараат повлекување на одлуката за аболиција и оставка на претседателот Ѓорѓе Иванов, формирање на специјално одделение на Кривичниот суд за предметите на Специјалното јавно обвинителство, оставка на Владата предводена од ВМРО-ДПМНЕ и ДУИ, како и итно ослободување на притворените демонстранти. Дел од барањата се и  вклучување на граѓанското општество во решавање на кризата и формирање на преодна влада.

Се до исполнување на овие барања, тие најавуваат дека нема повлекување од улица.

Извор: “НОВА“