КОРИБКО ЗА ТЕЛЕГРАФ: Опозицијата во Македонија не сака избори бидејќи знае дека ќе ги загуби

Aко се прифати дека Москва е глобален штаб за борба против обоените револуции, стратегија и технологија, тогаш би можеле да шпекулираме дека руските служби на безбедност имаат непотврдена и дискретна соработка со своите македонски колеги, вели во интервју за Телеграф.мк, Андреј Корибко, еден од најпознатите руски аналитичари

Демонстрациите во Скопје, Белград и во Бања Лука се дел од еден поширок план за дестабилизација на Балканот под покровителство на САД. „Шарената револуција“ во Македонија не ја исполни целта да испровоцира отпор кај граѓаните за промена на режимот,вели во интервју за Телеграф.мк, Андреј Корибко, еден од најпознатите руски аналитичари.

Корибко, кој важи за добар познавач на случувањата на Балканот, нагласува дека е очигледно дека СДСМ не може да дојде на власт бидејќи ја нема поддршката од народот. Сепак, според него, СДСМ за САД е прифатлив партнер поради тоа што оваа партија лесно може да го промени уставното име на Република Македонија.

T: Руското министерство за надворешни работи предупреди дека новата „шарена револуција“ ќе биде организирана од странство. Дали се можни нови немири и дестабилизација на земјата?

- Да, сигурно се можни. Проблемот со кој се соочуваат САД е дека „конвенционалната" шарена револуција засрамувачки не успеа да постигне која било од своите цели, спротивно од очекувањата патриотското население да го испровоцира во мирен отпор за промена на режимот. Соочени со овој тек на настаните, САД имаат две опции: или да се откажат од дестабилизирачката намера или, пак, „Шарената револуција“ да ескалира во неконвенционална војна. Ако САД не се откажат од своите антивладини партнери во Македонија, тогаш единствениот начин кој тие го замислуваат е „пејнтбол“ протестите да се трансформираат во Евромајдан“, слично на урбан тероризам, истовремено со надворешни подбуцнувања и тензии помеѓу Македонците и Албанците.

Што се однесува до можноста „Шарената револуција“ да премине во хаос и Скопје да се претвори во балкански Киев, нема јавни индикатори на кои би можеле да се потпреме во прогнозата. Сето тоа ќе зависи од одлуката на САД дали ќе го прифатат поразот во рацете на мирните патриоти или ќе им наредат на нивите застапници да ја интензивираат дестабилизацијата.

Не треба да се заборави дека единствената причина зошто САД ја таргетираат Република Македонија е бидејќи таа е на критична локација и тесно грло што ја прави геостратешки од непроценливо значење за балканските мегапроекти на Русија и на Кина: „Турскиот тек“, балканскиот пат на свилата, брзата железница..

Ако САД продолжат со ескалацијата на агресијата и со промена на режимот во земјата со помош на нивните марионети, тогаш тоа би можело да се чита како беспогрешен знак за тоа колку САД се плашат од овие проекти, како и за очајните мерки да ги запре.

Ако балканските мегапроекти на Русија и Кина немаат капацитет фундаментално да ја трансформираат европската геополитика со текот на времето, САД никогаш не би инвестирале толку многу време и внимание во обидот за соборување на Владата на Република Македонија, така што ова само по себе зборува за огромното значење на овие иницијативи во контекст на нова Студена војна, во контекст меѓу униполарни и мултиполарни сили.

Т: Која е причината што предвремените избори беа двапати одложени и има ли опозицијата поддршка однадвор?

- Претседателот Иванов ги одложи минатите избори во критичниот момент кога „Шарената револуција“ беше на работ да се спои со албанскиот тероризам. Исто така, се купи време за македонските безбедносни служби да се приспособат на катастрофалното сценарио на хибридна војна против урбаната „Шарена револуција“ и руралните албански терористи кои се чини дека се дел од американскиот план „Б“ за Македонија.

Таканаречената опозиција во Македонија не сака демократски избори поради тоа што е јасно дека секогаш ќе ги губи. Наместо тоа, сакаат да ги украдат гласовите со дисквалификација на кандидатите на ВМРО-ДПМНЕ преку една еднострана и политички мотивирана канцеларија на специјалното обвинителство.

Претседателот Иванов брзо сфати како оваа институција тајно функционира за да овозможи промена на режимот и затоа тој првично издаде помилување пред неколку месеци. Потоа тој ја поништи одлуката, што се должи на поларизацијата создадена од американски и НВО-информации за да се предизвика антивладино расположение.

Како што стојат работите, СДСМ никогаш легитимно нема да победи на демократски избори во Македонија. Трезвените европски политичари знаат дека СДСМ е втурнат во промена на режимот во корист за САД и дека ВМРО-ДПМНЕ е најстабилен партнер на кој може да се надеваат на целиот Балкан. Но, за Американците СДСМ е прифатлив бидејќи се уверени дека тој ќе го промени уставното име на Република Македонија ако дојде на власт, и на тој начин на ЕУ и на НАТО ќе им дадат нова жртва за да ја изедат.

T: Постои ли врска помеѓу протестите што се одржуваат во Скопје со тие во Белград, Подгорица и во Бања Лука?

- Демонстрациите во Македонија, Србија и во Босна и Херцеговина, во Република Српска, се дел од планот на САД за дестабилизација на Балканот, додека пак оние што се одвиваат во Црна Гора се за да застанат против претстојното членство на земјата во НАТО.

САД ги избира балканските земји поради нивната соработка со Русија и Кина и нивните балкански мегапроекти. Ова директно објаснува зошто Македонија и Србија се сега во еден вид процеп, иако мора да се нагласи дека силите за борба против Владата во Скопје имаат многу поголем потенцијал да предизвикаат насилство и далекосежни немири од оние во Белград.

Што се однесува до Република Српска, дестабилизацијата на оваа автономна република во функција на САД ќе биде мамка за провоцирање на Србија под услов Вашингтон да донесе одлука целосно да ја дестабилизира Федерацијата на прво место.

Т: Дали Русија има намера да го зголеми своето влијание на Балканот и на кој начин?

- Русија веќе има свое влијание на Балканот и тоа го прави на повеќе начини. Прво и најважно, Русија од 2010 е многу поинаква отколку во деведесеттите години на минатиот век, посебно во довербата што ја има во меѓународните односи. За разлика од неорганизираната и корумпирана земја под Елцин, Руската Федерација под претседателот Путин ги надмина своите домашни предизвици и сега е во состојба да има влијание и надвор од своите граници.

Руското присуство на Балканот може да се забележи во многуте цивилизациски врски што го врзуваат со регионот, во културни, верски, етнички и историски области. Покрај тоа, Русија е главен енергетски партнер за поголемиот број балкански држави.

Што се однесува до Република Македонија, ако се прифати дека Москва е глобален штаб за борба против обоените револуции, стратегија и технологија, тогаш би можеле да шпекулираме дека руските служби на безбедност имаат непотврдена и дискретна соработка со своите македонски колеги.

Кога се проценуваат руско-балканските односи, има уште многу да се направи, а ниту една земја не ги надминала своите можности во подобрување на мултилатералните партнерства. Една од причините е што Русија доцна се врати во регионот бидејќи мораше да ја доведе својата куќа во ред, со што изгуби драгоцено стратешко време.

Денеска постои искрена потреба меѓу балканските народи да ја повикаат Русија да се врати како противтежа на мултиполарните сили. Балканскиот (Турски) тек е мегапроект кој ја покажува манифестацијата на Русија во регионот, како и брзата пруга од Будимпешта до Пиреја (тоа што е најважно е дека минува преку Белград и Скопје). Сето тоа е за да се ослободи Балканот од влијанието на САД и од нивната стратешка потчинетост.

Игор Чавески

Извор: “Телеграф.мк“