„КРАЈ ФИЛМА, ДРУГОВИ И ДРУГАРИЦЕ“: Бидете сведоци на почетокот на крајот на СДСМ – ФБ преполн со закани и незадоволство поради катастрофалниот договор!

Да се запише во книгите по историја, и да се дефинира датум за тоа кога Македонија конечно се ослободи од комунистичките, автократни идеолози кои како оставина од СФРЈ ги наследи во формата на СКМ-ПДП која подоцна се „реформираше“ во СДСМ, затоа што денес гробарот на таа идеолошка матрица Радмила Шеќеринска конечно успеа да ја фрли и последната лопата земја врз гробот кој тие самите го копаа на овој народ, во онаа дупка во која самите се најдоа

Поразителниот договор кој денес го „издејствува“ Радмила Шеќеринска со кој СДСМ буквално ги загуби сите позиции кои претходно ги имаше добиено како резултат на мешањето на разни странски фактори, добро познати на јавноста, таа успеа во еден ден да ги загуби.

Бидејќи на Рада и се брзало да се стави крај на секојдневното малтретирање, шетање штаб-клуб на пратеници-резиденции, и сакала што побрзо да замине на одмор, таа се согласила СДСМ да ги загуби следниве позиции кои претходно ги имаше.

СДСМ ја загуби битката за МВР. Следниот пат кога СДСМ ќе има технички министер за полиција тој ќе може да промени само 15 луѓе, наспроти одврзаните раце кои ги имаше Спасовски и кој успеа да смени 450 вработени во МВР со негови партиски пулени.

Владата повеќе нема да биде техничка, експертска или во било каква друга форма освен легитимна влада избрана со мандат од граѓаните.

СДСМ, благодарение на Шеќеринска го загуби и Пржинскиот договор. Имено два дена по завршување на изборите, Пржинскиот договор нема да важи.

Ја загуби и битката за медиумите. Наместо инквизиторските казни и цензурата која ја бараше СДСМ, добија 50% намалени казни од сегашните и формирање на ново тело за надзор.

Се клати и позицијата на СЈО.

Сетоа ова, Шеќеринска успеа да го загуби за еден ден. Сето она што СДСМ го имаше пред 24 Април, по Април, до денес, Шеќеринска „му тури пепел“ бидејќи и се брзало на одмор.

Ваквиот неуспех набрзо беше пречекан „на нож“ од страна на опозиционите „стратези“ и поддржувачи, кои јавно на ФБ буквално ја „распнаа“ Шеќеринска и нејзиниот двојник Заев.

Најгласен беше Арсим Зеколи:

Не помалку фрустриран беше и колумнистот Ивор Мицковски:

И секако, Бранко Тричковски, дежурниот мразач на се и сешто, кој пак многу му паднало криво затоа што политичката криза конечно е завршена.

Освен, експертите пристигнаа и заканите од водачите на „Шарените куртон револуционери“, поточно од лидерот на шарените од Битола, кој најави дека „се некако го тера да мисли дека црната револуција ќе ви дојде во дворот“, алудирајќи на насилни протести пред седиштето на СДСМ, налик на оние кои ги организираа за уништување на Скопје.

Што би рекол другарот Тито, идеолошкиот татко на кого му се идеопоклонуваа овие последни наследници на минатиот систем во Македонија „Крај филма, другове и другарице“.

Извор: “Инфомакс“