Македонија воспостави дипломатски односи со Малта, под уставното име

По 25 години независност Македонија пред неколку дена воспостави дипломатски односи со Малта, под уставното име Република Македонија.

Одлуката за воспоставување дипломатски односи меѓу Република Македонија и Република Малта е објавена во Службен весник на 23 јануари.

Дипломатските односи се воспоставени со размена на ноти меѓу Министерствата за надворешни работи.

По официјализирањето на дипломатските односи со Малта, Кипар е единствената членка на ЕУ со која Македонија нема дипломатски односи, а главната причина е одбивањето на властите во Никозија тоа да биде под уставното име, заради противењето на Грција.

Досега Македонија под уставното име ја признале над 130 држави, меѓу кои и три постојани членки на Советот за безбедност-САД, Русија и Kина, а со повеќе од 170 има воспоставено дипломатски односи.

Извор: “МКД“