Илинден #4 –Граѓанска иницијатива за Заедничка Македонија
ДЕН ДВАНАЕСЕТТИ
10 март 2017 година

Добро вечер! Почитувани присутни, граѓани и граѓанки на Република Македонија, Македонци, Власи, Албанци, Турци, Роми, Бошњаци и сите од други заедници. Дозволете ми во мое лично име, и во името на невладиниот сектор на Влашката заедница во Република Македонија, да ве поздравам и да ви ги пренесам пораките на Власите во Репбулика Македонија. Прво, зачувување на унитарноста на Република Македонија. Второ, почитување на химната и Уставот на Република Македонија. Трето, зачувување на територијалниот суверенитет и интегритет. Четврто, отфрлање на сите платформи, кои не носат кон дестабилизација на земјата. И петто, давање силна подршка за Заедничка Македонија. Ние, Власите, уште за формирањето на Крушевската Република, 1903-та година, до ден денес, дадовме, даваме и ќе даваме силни напори во градење на Македонија. И секогаш сме биле дел и мост на поврзување на народите во Македонија и пошироко на Балканот. И од овој импозантен протест, ние, Власите, даваме силна подршка за Заедничка Македонија. Да кажеме ’не’ за бинационална држава! Да кажеме ’да’ за мултиетничка, мултикултурна и мултиконфесионална Македонија! Македонија на сите граѓани, без разлика на националната и религиозната припадност. Почитувани присутни, сите заедно, можеме повеќе за градење на една, унитарна, силна економско развиена, мултиетничка, прогресивна и европска Македонија. Со надеж, дека овие наши пораки ќе станат реалност за Заедничка Македонија. Ви благодарам на вниманието. Да сте живи и здрави!

Христос Папули - преставник од невладиниот сектор кај Власите во Репбулика Македонија, пред Собранието на Република Македонија