Илинден #4 –Граѓанска иницијатива за Заедничка Македонија
ДЕН ДВАНАЕСЕТТИ
10 март 2017 година

Денес не сме само во Скопје, сме уште во 25 градови во Македонија. Поздрав за сите граѓани, кои ја подржуваат Заедничка Македонија! Ќе повториме: изразуваме огромно разочарување од лидерот на СДСМ Зоран Заев за неотфрлањето на Тиранската платформа чија цел е редефинирање на граѓанска Македонија. Неприфатливо е што лидерот на опозициската партија и понатаму ја промовира платформата на Рама со која се бара воведување на двојазичност на територијата на Македонија и се разговара за промена на знаме, химна, грб, воведување на двојазични пари, декларација за осуда на геноцид на партизаните, кои ја изградија Асномска Македонија. Прашањата кои се со државно и национално обележје не смеат да бидат предмет на пазарење, манипулирање, ниту на различни толкувања. За сите овие прашања потребно е да одлучуваат граѓаните. Нема да подлегнеме на ниту една манипулација или обид на мала врата да се протнат работите, кои албанските партии ги договорија во Тирана, а Зоран Заев ги прифати. Нема да помине ниту еден обид за измама на македонските граѓани. Треба да градиме мултиетничка, а не бинационална држава. Бараме јасно и недвосмислено, целосно отфрлање на платформата направена во Тирана. Граѓанската иницијатива за Заедничка Македонија продолжува со народните протести. Се до целосно исполнување на нашите барања. Никој не смее да го потценува и да го манипулира македонскиот народ. Да живее Република Македонија!

Богдан Илиевски – колумнист, пред Собранието на Република Македонија