БОРИС ТРАЈКОВСКИ Е УБИЕН ОД ЦИА ОТИ ЈА ЗНАЕЛ ВИСТИНАТА ЗА ВОЕНОТО ПРОФИТИРАЊЕ
"Претседателот Борис Трајковски бил убиен зашто на високи западни државници им се заканил дека ќе обелодени компромитирачки информации за нивна вмешаност во корупција, за време на косовскиот конфликт и бегалската криза во 1999 година"
Игнат Панчевски, застапникот на семејствата на загинатите во авионот со македонскиот претседател, потврди дека Трајковски поседувал документи кои би можеле да го нарушат авторитетот на некои западни дипломати кои во 1999 година одлучувале нешто околу Македонија за време на приливот на бегалци од Косово.
"Тој беше директно инволвиран во сите настани во таа година, бидејќи беше заменик-министар за надворешни работи. Јас долго време работам на случајот и наидов на информации што упатуваат на коруптивни скандали што во тоа време биле извршени од некои високи светски државници. Трајковски поседувал документи како доказ за корупцијата, но не знам што конкретно барал од тие светски државници", вели адвокатот Панчевски.
Панчевски тврди дека има докази дека ова не е несреќа туку атентат, а вчера Нетпрес јави дека новиот извештај за смртта на претседателот е влезен во владина процедура.
"Точно е дека има најнов извештај и дека е пуштен во процедура. Детали не можам да изнесам зашто станува збор за документ со доверлива содржина. Оттука извештајот ќе биде доставен до државното обвинителство, кое понатаму ќе одлучи дали и какви мерки ќе преземе", изјави Мартин Мартиновски, портпарол на Владата.
(think.mk)
20 ноември 2013 година