Во анализата која и претходела на одлуката е заклучено дека 320 илјади граѓани имаат нешто заложено под хипотека и вкупната сума на долгот изнесува 1,25 милијарди долари.
Дел од долгот едноставно ќе се отпише и граѓаните нема да мора да го враќаат, а дел ќе се враќа така што граѓаните на Исланд оптоварени со кредити ќе бидат ослободени од даноци во период од три години.
Отпишување на долговите за кредит беше и паролата во изборната кампања на сегашниот премиер Сигмундур Давид Гунлаугсон.
Оваа мерка, која опфаќа неколку стотици илјади граѓани, кои не можат да го издржат притисокот на кредитите, наиде на остра критика од Меѓународниот монетарен фонд и светската банка.
Откако изби светската економска криза во 2008 година, банките на Исланд имаат простено околу две милијарди долари долг.
