Kинески хакери ги шпионирале компјутерите на петмина министри за надворешни работи од земји-членки на ЕУ пред септемврискиот самит на Г20-групата, покажа истражувањето на компанијата за компјутерска безбедност „Фајр ај". Хакерите упаднале во компјутерската мрежа на министрите така што на персоналот на министрите му испратиле пораки со заразени фајлови како „Воени опции на САД во Сирија", пренесе Ројтерс. Тема на напад била американската воена интервенција во Сирија, а од компанијата, на основа на техничките докази, веруваат дека хакерите се од Kина, но нема докази дека хакерите се поврзани со кинеската влада.
Експертите од „Фајр ај" кон крајот на август ја следеле работата на главниот компјутерски сервер што хакерите го користеле за движење низ хакираните системи. Меѓутоа, компанијата изгубила пристап до хакерите откако тие, кратко пред почетокот на самитот, преминале на друг сервер, а од американската компанија велат дека веруваат оти хакерите тогаш се подготвувале да почнат со кражбата на податоци.