Кога би се сметал и Хонг Конг, обемот на американските обврзници во сопственост на Кина изнесува 1,44 билиони долари, што е раст во однос на 1,31 билиони долари од истиот период лани.
Односот на кредиторите и должниците меѓу двете најголеми светски економии е продолжен, и покрај тоа што Кина во октомври предупреди дека би можела да ги намали резервите во долари поради политичката борба во Вашингтон која се закануваше да ги турне САД на работ на банкрот.
Со оглед на фактот што овие две земји се големи трговски партнери и Кина има огромен суфицит во билатералната трговија, Пекинг продолжува да купува американски обврзници.
На крајот на третиот квартал, американскиот долар имал удел од 40% во вкупните девизни резерви на Кина во висина од 3,66 билиони долари.
Јапонија во октомври остана втор најголем сопственик на американскиот долг, бидејќи во нејзините каси се најдоа 1,17 билиони долари, што е нешто повеќе во однос на минатогодишните 1,13 билиони долари.
(Нова Македонија)
16 декември 2013
