Демонстрантите со трактори и бали од сено ги блокираа главните улици што водат кон седиштето на ЕУ, изразувајќи го на тој начин своето незадоволство од состојбите во Унијата.
Според еден од организаторите на протестот Бруно Дижердан, демонстрантите сакаат „Европа за народот".
-Сакаме Европа која ќе ги почитува работниците и ќе им овозможи на сите работници во Европа да имаат пристојни услови за работа, изјави Дижердан, додавајќи дека учесниците на протестите се незадоволни и поради плановите за склучување договор за слободна трговија меѓу ЕУ и САД.
Главни теми на дводневниот Самит на ЕУ ќе биде економската криза во еврозоната и мерките за нејзино надминување, како и прашања поврзани со одбраната на ЕУ, односите со Украина и состојбата во Централноафриканската Република.
(Нова Македонија)
19 декември 2013
