Продолжуваат разговорите за иранската нуклеарна програма
Претставници од Иран и шесте светски сили денеска ќе ги продолжат разговорите за нуклеарната програма на Техеран. Дискусиите во Виена ќе се фокусираат на тоа како да се спроведе договорот со Иран. Во рамките на времената спогодба од 24 ноември, Иран треба да ја запре спорната нуклеарна програма во замена за некои олеснувања на меѓународните санкции. Минатиот четврток, Иран ги прекина разговорите во знак на протест поради црните листи на Вашингтон на уште 19 ирански компании и индивидуални лица под постоечките санкции. Техеран изјави дека потегот е против духот на привремениот договор. И покрај иранската акција, напредок беше пријавен за време на состанокот од 9-12 декември во Виена. САД, Русија, Кина, Велика Британија, Франција и Германија бараат повлекување на Иран од нивната атомска програма за да се спречи развојот на нуклеарно оружје. Техеран негира дека има таква намера.
(Радио Слободна Европа)
19 декември 2013
