Тоа е интересна замисла. Замислете како би изгледала Европа доколку не се распаднеше Федеративната Република Југославија, туку само се отфрлеше префиксот „социјалистичка"- се наведува во заклучокот на Адебар.
Според Адебар на тој начин би биле поштедени животите на стотици илјади лица во Босна и Херцеговина, Хрватска, Косово, Македонија, Црна Гора, Србија и Словенија, а ЕУ не би била толку поделена и немоќна пред убиствата на „нејзиниот праг", а САД не би морале да испраќаат војници на европско тло, прв пат од Втората светска војна.
- Накусо целиот регион би можел да биде подобро место, а со тој заклучок би се согласиле и голем број граѓани на сегашните независни држави наследнички - смета авторот.
Адебар поаѓа од хипотезата дека Југославија би се кандидирала за членство во 1991 година, а две години подоцна би почнала преговори, заедно со Австрија, Финска и Шведска.
Меѓутоа поради проблемите со високата стапка на невработеност, јавниот долг и инфлацијата, како и неконтролираните државни компании, нејзиното пристапување би траело подолго, така што би станала членка заедно со Унгарија, Естонија и Малта.
(Нова Македонија)
21 декември 2013
