„Мекдоналдс"до вработените: Не ги јадете нашите хамбрургери!

Синџирот на американски ресторани на брза храна „Мекдоналдс" им даде чудна препорака на своите вработени на интернет-страницата „Мек рисорс" (Mek risors). „Не ги јадете нашите хамбургери и помфрит, бидејќи не се здрави", се вели во пораката

Место да јадете хамбургер, земете салата, супа и зеленчук, за да го задржите доброто здравје - им советуваат работодавците на своите вработени.

Страницата набрзо е укината, откако текстот со чудната порака предизвика бура од негодувања. Голем број медиумски и работнички групации ја критикуваа програмата на „Мек рисорс", бидејќи, „нуди совети кои не се во согласност со платите на работниците, кои тешко можат да си дозволат скапи дневни оброци.

Со сајтот „Мек рисорс" управува компанија, што не е дел од „Мекдоналдс", а првите луѓе на компанијата соопштија дека информациите и содржините на сајтот, извадени од контекст, предизвикале непотребен публицитет и критики.

   (Нова Македонија)

    28 декември 2013