Глутницата бесни животни повеќе од еден час ги растргнувале телата на „предавниците", извршувајќи ја казната наречена „егзекуција со кучиња" (quan jae), јавил кинескиот весник Вен веи по.
Лидерот-тиранин на комунистичката држава го обвинил својот тетин, поранешен втор човек во Северна Кореја, за предавство и корупција и во својот новогодишен говор го нарекол „ѓубре" и „фракционерски изрод.
За разлика од вообичаените егзекуции на политичките затвореници, кои биле извршени со стрелање со митралези, оваа невообичаена казна е резервирана за најомразените во севернокорејското општество.
Кинескиот весник тврди дека целиот процес бил надгледуван од врховниот лидер на Северна Кореја, заедно со 300 од неговите највисоки функционери, што претставувало јасно предупредување за сите оние што ќе му се спротивстават на режимот на Ким.
Западните експерти тврдат дека тоа што кинеските власти дозволиле ваков напис да биде објавен во еден од најтиражните кинески весници е очигледен знак дека тие го губат трпението со својот „збеснат" сосед, пренесува Дејли мејл.
(Денешен Весник)
3 јануари 2014
