Дорис во емисијата „Квешчн тајм" во расправа за ограничувања на ЕУ кога станува збор за прилив на емигранти од Бугарија и Романија, неочекувано ја спомна и Југославија, држава што веќе не постои, објави Индепендент.
–Се уште нема бран имигранти, но може да се случи утре или следната година, тоа не можеме да знаеме и тоа е и проблемот… Може да се случи и бран имигранти од Југославија, нагласи таа.
Лапсусот на Дорис е хит тема на Твитер.
Во дел од пораките „твитерџии" пишуваат: Дорис не е очигледно фан на Евровизија…Порака за Нејдин Дорис: Југославија веќе некое време не постои. Распаѓањето предизвика извесни немири, но изгледа Вие тоа не сте го забележале.
Дорис беше суспендирана од Конзервативната партија бидејќи во 2012 година учествуваше во ријалити-шоу.
(Денешен Весник)
12 јануари 2014
