-И кога не би го зеле во предвид како сериозен доказ писмото на американскиот генерал Алберт Пајк упатено до идеологот на италијанското обединување Мазини, во кое уште во 19-от век најавува три светски војни, мора да го прифатиме фактот дека членот на англо-американскиот естаблишмент Керол Кигли во книгата „Англо- американски естаблишмент" пишува како британските масони ги создавале условите за Првата и Втората светска војна – вели Чиќ.
Според него од историските книги се гледа дека војните биле планирани со цел да се создаде британска предоминација во Европа и светот, а видливо е како што вели и тоа дека британските империјалисти за сите идни операции во 20-от век планирале да ги употребат САД .
–Тој план успеа и Америка денес ги напаѓа државите од Средниот исток со цел да ги придобие, пред Иран да ги нападне Русија и Кина. Планот за војната веќе би требало да биде спроведен и завршен, но очигледно нешто се искомплицирало поради што главните операции се отежнати, а со тоа и одложени - тврди тој.
Чиќ смета дека целта на војната е преку масовно уништување да се намали населението, а потоа да се создадат нови светски држави, бидејќи како што вели многу е тешко да се обедини целиот свет, без отпор на одредени држави.
-Државите како Кина и Русија тешко дека ќе се согласат да го предадат својот суверенитет на Обединетите нации, поради што за потчинување на најголемите противници ќе се оди преку масовни разорувања и уништувања. За да дојде до тоа континуирано се создаваат конфликтни ситуации меѓу државите, што ќе доведе до војна – истакна хрватскиот академик.
(Денешен Весник)
17 јануари 2014
