Муалем заканувачки до Кери: Асад може да го сменат само самите Сиријци
Никој нема право да го отстрани од функцијата сирискиот претседател Башар Асад, освен самите Сиријци. Тоа го изјави на меѓународна конференција за Сирија во Монтре шефот на сириската дипломатија Валид Муалем, обраќајќи се директно кон државниот секретар на САД Џон Кери
Муалем говореше пред учесниците точно по Кери, кој изјави дека Асад го изгубил законското право да управува и за него нема да има место во преодната влада.
-Сирија е суверена држава и ќе го прави она, што го смета за неопходно во интерес на сирискиот народ, рече првиот дипломат на Сирија.
Во Сирија дејствуваат платеници од десетици земји, но меѓународната заедница тоа не го нарекува мешање во внатрешните работи на земјата, додаде тој.
Тој истакна дека резултатите од конференцијата „Женева-2" ќе бидат ставени на референдум во Сирија.
-Само сириските граѓани имаат право да ја определат иднината на земјата, рече Муалем.
(Нова Македонија)
22 јануари 2014
