Украинската армија го повика претседателот Виктор Јанукович да преземе итни мерки за стабилизирање на сoсотјбата во Украина, се наведува во соопштението објавено денеска на веб страницата на Министерството за одбрана. 

- Воените власти и вработените во Министерството за одбраната го повикаа врховниот командант на вооружените сили да преземе итни мерки во рамки на законите за стабилизирање на ситуацијата во земјата, во која веќе два месеци беснеат протести, се вели во соопштението. 

Воените сили и Министерството ги сметаат за недозволиви нападите врз јавни згради и обидите да и се пречи на власта во исполнувањето на своите должности и предупредуваат дека ескалирањето на протетите претставува закана за територијалниот интегритет на Украина. 

Прес-службата на Јанукович вчера соопшти дека претседателот „е недостапен поради сериозни заболување на дишните патишта". 

Во изјавата, која неколку часа подоцна ја објави Јанукович, тој ја обвини опозицијата дека ја влошува ситуацијата, со тоа што го повикува населението да продолжи да протестира „поради политичките амбиции на своите лидери".