Величествено отворени најскапите олимписки игри во историјата (ФОТОГАЛЕРИЈА)
Најскапите олимписки игри во историјата, 22. Зимски олимписки игри во Сочи, вредни 50 милијарди долари, денеска и официјално беа отворени на брегот на Црно Море, со спектакуларна тричасовна церемонија.
Како што и беше најавено, Русија ја докажа својата доминација, сиот свој раскош на стадионот „Фишт" и понуди отворање за паметење на најскапите игри, на кои Македонија дојде со тројца спортисти.
Претседателот на Русија, Владимир Путин, ги отвори Зимските игри, а самата церемонија на отворањето беше спектакуларна. Јавноста ја виде сета историја на најголемата светска држава низ речиси тричасовниот спектакл на отворањето.
Олимпискиот оган го запалија руските легенди Роднина и Третјак, а величествениот огномет над и во стадионот „Фишт" само го надополни спектаклот и најави фантастични игри во белите спортови.
Сочи во следните 17 дена ќе биде светска престолнина. Сето внимание на милионите гледачи ќе биде вперено кон овој спортски спектакл на брегот на Црно Море и на падините на Кавказ.
(МКД)
7 февруари 2014