Економскиот систем е таков што, Американците мора да работат повеќе за да напредуваат, а политички не одговара на нивните барања, сметаат Американците кои учествувале во истражувањето.
Осум од десет испитаници сметаат дека денес живеат потешко отколку претходно и дека за напредок мораат да вложат повеќе напори од претходните генерации. Само 15% од испитаниците, сметаат дека треба да работат како порано, а пет посто мислат дека денес е полесно од порано.
Американците исто така не мислат дека работите набрзо ќе тргнат на подобро, напротив 78% од испитаниците очекуваат дека на идните генерации ќе им биде потешко.
Претседателот Барак Обама често говори за растечката нееднаквост меѓу богатите и сирамашните, предлага раст на минималната плата и субвенционирано здравствено осигурување, како и програма за преквалификување на работниците. Истовремено се зазема за слободна трговија која многумина ја сметаат за главен виновник за „заминувањето" на работните места во поевтини, странски фабрики.
Републиканците, од друга страна, сакаат да им помогнат на деловните луѓе верувајќи дека тоа ќе доведе до отварање на нови работни места и поголеми плати.
(Нова Македонија)
16 февруари 2014
