Манипулирање со јавното мислење: Американските тајни служби ги користат социјалните мрежи за ширење дезинформации?
Едвард Сноуден и новинарот Глен Гринвалд, кој најчесто пишуваше за откритијата на Сноуден околу прислушкувањата од страна на Националната безбедносна агенција (НСА), со помош на видео врска одржале конференција во Чикаго, на која предупредила на новите облици на закани и тоа преку социјалните мрежи, пренесува Раша тудеј.
Како што тврдат Сноуден и Гринвалд, разузнавачките служби планираат да ги користат најпопуларните социјални мрежи, како Фејсбук, Твитер и Јутјуб, за да ги шират владините пропаганда и дезинформации и со самото тоа да манипулираат со јавното мислење.
Гринвалд тврди дека во архивата на НСА открил докази за своите тврдења, односно докази дека американските и британските тајни служби во неколку наврати пласирале одредени вести на социјалните мрежи со цел да го манипулираат јавното мислење.
Сноуден и Гринвалд тврдат дека НСА планира нови облици на мониторинг на граѓаните на Интернет, но и набљудување на нивните телефонски повици. Наместо фокусирање на директно прислушување на разговорите, НСА би можела да почне да собираа податоците за тоа од кој телефонски број се повикуваат други броеви (и за кои броеви станува збор), како и колку долго траеле разговорите.
(МКД)
8 април 2014