Николиќ не сакаше да именува виновници, но истакна дека не е задоволен од работата на еден дел од полицијата.
Тој во интервјуто, на прашањето дали верува дека го прислушуваат, одговори дека „мисли дека го прислушуваат."
-Затоа, понекогаш во разговор со некои луѓе изговарам некои работи, за да видам дали ќе се појават во медиумите. И се појавуваат - рече Николиќ, истакнувајќи дека информациите не истекуваат од Претседателството.
Српскиот премиер, Ивица Дачиќ, истакна дека нема никакви информации дека полициските служби прислушуваат било кој државен функционер, па ниту претседателот на Србија.
Дачиќ, кој е премиер и Министер за внатрешни работи на Србија, рече дека со претседателот Николиќ не разговарал на таа тема, но нагласи дека ќе се види со него за да разговараат на таа тема.
Тој додаде и дека претседателот со сигурност никој од полицијата и тајните служби не го прислушуваат, и нагласи дека нивна задача е да го штитат.
(Нова Македонија)
23 декември 2013
