Олтарот на ова српско светилиште, изграден на местото каде е причестен кнез Лазар со војската пред Косовската битка, албански деца го претвориле во јавен тоалет.
-Сите обиди повеќегодишното сквернавење на православното светилиште да се запре останаа безуспешни, бидејќи албанските жители се противат на неговото обновување. Црквата е запалена, демолирана и за прв пат осквернавена во 1999 година, после доаѓањето на меѓународните сили на Космет. Најлошо е тоа што сквернавењето на ова светилиште со години се повторува, а никој никогаш не одговарал поради тоа, пишува српски Курир.
Покривот на црквата е уништен, прозорите и вратите искршени. Внатрешноста на црквата е претворена во јавна депонија во која стоки и луѓе вршат нужда.
-Црквата е уништена во 1999 година кога е запалена, а последните години албанските деца фрлаат ѓубре. Повеќе пати преку меѓународната заедница се обидовме да спречиме сквернавење на црквата и предлагавме на неа да се постават лимени врати и прозори, но албанската заедница се противи на обновата, изјави владиката рашко-призренски Теодосиј.
(Денешен Весник)
28 декември 2013
