Родиќ: Србија останува воено неутрална во однос на постоечките воени сојузи

Српскиот министер за одбрана Небојша Родиќ изјави дека Србија не се откажува од својот стратешки избор да биде воено неутрална во однос на постоечките воени сојузи.

-Сметам дека е создадена сосема погрешна слика во јавноста по прашањето за соработката на Србија и НАТО, особено по мислењето дека Србија полека се лизга кон НАТО, изјави Родиќ во интервју за денешниот број на весникот „Политика".

Според Родиќ евроинтеграцијата е меѓу најважните приоритети на српската Влада, додавајќи дека во рамките на интеграциите, прашањата поврзани со безбедноста на Србија, исто така, имаат многу важно место.  

-Ниту Србија се лизга кон НАТО, ниту пак соработката со Русија, по сите прашања, вклучително и оние поврзани со одбраната и безбедноста, се со понизок приоритет и интензитет, туку напротив, нагласува српскиот министер.

   (Нова Македонија)

    29 декември 2013